ഇംഗ്ലീഷ് പ്രീമിയര്‍ ലീഗിലെ ലണ്ടന്‍ ഡെര്‍ബിയില്‍ ചെല്‍സിക്ക് വിജയം. ടോട്ടനത്തെ ഏകപക്ഷീയമായ ഒരു ഗോളിനാണ് ദ ബ്ലൂസ് പരാജയപ്പെടുത്തിയത്. ജാവോ പെഡ്രോയാണ് ചെല്‍സിയുടെ വിജയഗോള്‍ നേടിയത്.
ടോട്ടനത്തിന്റെ തട്ടകത്തില്‍ നടന്ന പോരാട്ടത്തില്‍ 34-ാം മിനിറ്റിലാണ് ഏകഗോള്‍ പിറക്കുന്നത്. ടോട്ടനത്തിന്റെ പ്രതിരോധത്തിലെ പിഴവ് മുതലെടുത്ത് കയിസെഡോ നല്‍കിയ പാസില്‍ നിന്നാണ് പെഡ്രി വലകുലുക്കിയത്. ടോട്ടനത്തിന് ഗോളടിക്കാന്‍ കഴിയാതെ പോയതോടെ ചെല്‍സി ഒറ്റഗോളില്‍ വിജയം പിടിച്ചെടുക്കുകയായിരുന്നു.
പരാജയത്തോടെ സ്വന്തം മൈതാനത്തെ മോശം ഫോം തുടരുകയാണ് ടോട്ടനം. സ്വന്തം തട്ടകത്തില്‍ നടന്ന 5 പ്രീമിയര്‍ ലീഗ് മത്സരങ്ങളില്‍ ഒന്നില്‍ മാത്രമാണ് ടോട്ടനത്തിന് വിജയിക്കാന്‍ സാധിച്ചത്.
Content Highlights: Premier League 2025-26: Pedro strikes, Chelsea beats Tottenham